أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
عبدالله السحمان 
عبدالله محمد السحمان _ الرياض
قــمــر ،،
منك القمر يحلى قمر ياخذ النور
وانتي قمر يضوي ظلام الليالي
انا عشقتك يالغلا يجمل الحور
انتي حقيقه بك تحقق خيالي
غصب(ن) احبك وانا ماني بمجبور
لكن جبرني .. زينكم ياحلالي
أي والله ان العشق بلوى به عثور
حزن وسهر وهموم وآعزتالي
مغير اهذريبك تقولين مسحور
والبعد عني زاد فيني هبالي
ياويل قلبي ياقمر عاش مقهور
رحتي بعيد وباقي طيفك قبالي
وياويل عيني دمعها دوم منثور
تمسي حزينه وتبكي اللي جرالي
وياويل صدري ضاق من شدة الجور
نار(ن) لهبها داخلي حيل صالي
وياويل حالي خاطري صار مكسور
ياوين جبره ؟ آآه .. ياويل حالي
دوى خفوقي ماهو بعند دكتور
انتي لقلبي داه وانتي دوا .. لي
نفسي يعدي يوم واكون مسرور
مافيه يوم (ن) اذكر انه صفالي
كم لي وانا عاني كم لي من شهور
حسي بعذابي خلي نفسك بدالي
تعالي بجنبي هنا واسمعي الشور
وأروي ضمايه ياحياتي تعالي
بضمك لصدري اباعيش انا الدور
مع ضمّتك ارتاح ويرتاح بالي
ابغى حنانك ياقمر حس وشعور
انا فديتك وانتي كوني فدالي
موجود في دنيا العنا حي مقبور
تقتلني هجوسي ولاني بسالي
والحال يرثاله غدى الحال مدمور
ميت من أول ثم اباموت تالي
الموت ارّيح لي ولاعيش مقهور
والموت حق .. و كلنا للزوالي