عبدالله السحمان 
عبدالله محمد السحمان _ الرياض
2026/04/3006:47 am
عدد المشاهدات : 74
مقتطفات 5
حبيبي لاتوادعني خلاص ارحل معادابيك.
مدامك بعتني برخيص انابعتك بكوم تراب.
تخون الصاحب الوافي بعدماهوتعلق فيك.
وتنكرعشرة سنينك بلاذنب وبدون اسباب.
*****************
*****************
ياشين جارك الى من صار نفسيه.
معاد ودك بشوفة وجهه الهابي .
اسلوبه الزفت واخلاقه تجاريه.
اليا نطحته تهرب كنك ارهابي.
*****************
*****************
عذبتني الليالي وجرعتني السموم.
وذوقتني عناها و مرها بيدها.
عزي لحال قّلبي من هموم لهموم.
كل ما قلت هانت زاد تعقيدها .
*********************
*********************
ياللي على درب المحبه مشيتوا.
ترفقوا برواحكم لا تطيحون .
قدامكم عثرات ويمكن سهيتوا.
حبيت اذكركم بها لا تعثرون.
*********************
*********************
أول اشوفك في حياتي الوحيده.
ياللي اعشقك بين كل المخاليق.
وألحين رحتي .. في ديارٍ بعيده.
وخنتي العهود الماضيه والمواثيق.
*********************
*********************
وين أنت غايب عن عيوني حبيبي
ماعاد لك طاري ولا عاد لك حس .
لو طوّل غيابك .. ابشق جيبي
لو هو غيرك كان ابقول له طس.
