أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
نواقيس الفرح
| البارحه عقب الغياب بْ حين توديـع الغـروب والشمس مع قرص الشفق من قبل ساعه غاربه |
| أرقبت في روس الطوال اللي بها القلب مْغَلـوب في ساعة(ن) دقَّـت نواقيـس الفـرح عقاربـه |
| واركيت راسي للورق واطلقت فكـري للهبـوب أطـرد ورا هجـس القصيـد آحايلـه واقاربـه |
| إلين ماطاح الـذي كنـه مـن الغيـم مْحَلُـوب في وسط صندوق الضلـوع الصافيـه مشاربـه |
| حرف القصيد اللي على قيمة جلاليبه مْحَسُـوب إمـا يجمـل صاحبـه والا يـوطـي شـاربـه |
| وانا يمين الله فلا تحسب علـى مثلـي بنـوب أبـا ارتقـي بـه للنجـوم الفاهقـه المتقاربـه |
| في ذكر ربعي هم حزامي يوم صيحات الجنـوب اللي يمانيهـم مـن حْيـاض المنيـه ضاربـه |
| آلاد روق أحفاد راشد مرويـة بطـن الجـروب لاثارمن عج الدخـن واخـلاق ربعـي خاربـه |
| هم لابتي وافخر به في كل حدب وكـل صـوب الـورع منهـم ساعـة الهـدة يمينـه داربـه |
| أهل العطا واهل السطى واهل المنايح والحـروب واهل الكفوف الساقيه مـن جودهـا والشاربـه |
| لولاي اخاف الحق الساني من ورا قولي ذنـوب قلت المكـارم حالـف(ن) حنَّـا بَحَـرْه وقاربـه |
| مع عزوة(ن) نفخر بهم ربعي مقابيس الـدروب اللـي عـروق جْدودنـا وعروقهـم متقاربـه |
| قوم القعيد وابن وابل وابـن دربـاس وجنـوب لنا مع ال شجاع والدلبـه عـروق(ن) ساربـه |
| كلمة وفـا مانـي بنفَّـاخ الشواكـل والـذروب ماميَّـز المستعربـه واجحـد فعـول العـاربـه |
| في ليلة(ن) يشهد لها الصادق على عين الكذوب يـوم اليديـن القاصـره نياتـهـا متضـاربـه |
| بقيادة الشيخ الذي من حكمـة الـرب مْحَبُـوب ياسعود ياسعد الحروف اللـي لمدحـك طاربـه |
| ياصاحب الراس السِّطي ياصاحب الصدر الرحوب يامن ينابيـع المكـارم فـي يمينـك شاربـه |
| محبتك ماهي حكي غيـر انهـا وسـط القلـوب آقولها وانـا الـذي لاقلـت قـول(ن) عاربـه |
| يوم انها تصعب على من لاوطى غير الخبـوب انت الذي راس الجدي مبطي وواطـي غاربـه |
| ويوم انها تقصر على من همهم كرب الجيـوب انت الـذي وجهـك بمـدات الكريمـه كاربـه |
| عهد(ن) علي لو للصخاء والنايفه والجود ثـوب مافيه متن(ن) في حضورك قبـل متنـك قاربـه |
| لادام كف(ن) مايحوش من الزمن غير العيـوب ولاعاش راس(ن) مايشوش لعزوتـه واقاربـه |