أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
حاضر بحاضر
| ياهلا بك ياعلي عز الخـوي يالصبـري ماجهلت بْ طيب نفسك والله اللي خابـر |
| بس كلمه واستمعها واسبره من سبـري وانت مثلك والله انـه للمعانـي سابـر |
| الشعر ساعة كتبتـه ماخذلنـي شبـري لا ولاحتى كسرني فـي بحـوره شابـر |
| ماخذيته من خيـال المنطـوي المبـري اكتبه حاضر بحاضر مااسهـره واثابـر |
| يرحم الله ياعلي منهو فتح بـه قبـري بعد موته فـي محـط العابـره والعابـر |
| ذاك لوخالط غرامه من عرفتـه حبـري ماحرمني نوم عيني يوم انـا لـه قابـر |
| لاحرام اني دفنته قبل يَرْخِـص تَبْـرِي في وسط سوق الرويبض لوعليه يْكابـر |
| ياعساه اكبر غنيمه في عيون العبـري مابقى له شيء واحـد يستحـق اكابـر |
| من خذا حبل الوتين ومن سكن به جبري لو يجي حد الكرامه لااقطعه من الدابـر |
| علها بعض الطـواري علهـا ماتبـري من على سبع الجوارح والزمان الغابـر |
| لاجل تِشْرَبْه المحاني لانفذ بي صبـري واحلف الخاين يموت ولايموت الصابـر |
| كيف اجل باللي خذا دور التقي واللبري حولّوا به مافرق بيـن النِّبـر والنابـر |
| لوعرف سر الحَبِير امداه عِرف الحبري ضايع ٍ حبَّار ماها مـع طـروق الحابـر |
| ياعيون المقبله نامي قريـره / وابـري ياجروحه جعل ماله فـي زمانـه ثابـر |
| ياعلي جتْك المعاني واسبره من سبـري دام مثلـك والله انـه للمعانـي سابـر |
| |