أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
صلاح الشمري 
إكتب ما يخطر ببالك بما لا يزيد عن 140 حرف
عـــــــــــروس الشــــمال
| تباهـي يالـعـروس الحايلـيـه يحـق الـك الفخـر والنرجسيـه |
| تباهـي دام شـمـر ساكنيـنـك هـل الوقفـات والكـف النديـه |
| مدامك دار ساس الطيـب شمـر مواريـث الزحـول الصيرميـه |
| هل الطنيـات والمـوت المصفّـا ثبـات الارض واصـل الجاذبيـه |
| سباعـك يـوم دورات الليـالـي حمتـك مـن الليـال السرمديـه |
| كرمك ابهر جميع اهل الجزيـره غمرهـا بالكـفـوف الحاتمـيـه |
| محال الوقت ينجـب مثـل حاتـم قبـل والا بعـد مافـيـه زيــه |
| رسـول الله شهدلـه والصحابـه شهدلـه بالعـصـور الاولـيـه |
| على مـا جـاد يشهدلـه تـوارن كـرم فـاق المـزون العقربيـه |
| على نهجه مشـت كـل الطنايـا هل الماجـوب واهـل المقدريـه |
| ببابـك تزدحـم كـل المـكـارم وفرّيس الكـرم فـي كـل هيـه |
| جبالـك شامخـه بـأول وتالـي شمـوخ رجالـهـا بالمعنـويـه |
| تـدرّج بالشـمـوخ ولا تـحـدّر كمـا غلبـا شـمـوخ وقابلـيـه |
| سماها تحتضنها حضـن عاشـق كمـا قيـس وهـواه العامـريـه |
| تعانـق بالقمـم عنـق الثـريـا وتجذبهـا الصخـور الليلكـيـه |
| تداعب خـدّه الشمـس بشعاعـه وتبهـا بالطـيـوف القرمـزيـه |
| صخرهـا لهلهـا ديبـاج صافـي ولـكـن للـعـدا كالنافـعـيـه |
| ليـا سالـت شغـايـاه وتمّـلـت تفـوح ازهـار بأطيـابٍ زكيـه |
| نقش فيها امرؤ القيـس القوافـي تغـنّـا بالـحـروف الابجـديـه |
| ونخل الديعجـان ونخـل اديـرع تمـيـل عذوقـهـا للشـاذلـيـه |
| بهـا مـا ينبـت الا كـل طيّـب وتقطـف منّـه اثمـارٍ جنـيـه |
| قصر غيّاض ابـن بقـار يـروي مواقـيـف وتـواريـخٍ ثـريـه |
| تعـلا فـي قفـار وذاع صيـتـه تشيـد بسطوتـه نجـد العـذيـه |
| بها قصر الاعيـرف مـا يعـرّف وقصر الضيغمـي زبـن الونيـه |
| قصر برزان لـو زالـوه يبقـى بقلـب الشـمـري والشمـريـه |
| قصور ومجد تاريـخ وحضـاره معالـم فـي مفاخرهـا غنـيـه |
| وبوسـط فيـد الآبـار احفرتهـا زبـيـده للحجـيـج وللـرويـه |
| على طول الـدروب لحـد مكـه حسانيهـا تغطـي كــل سـيـه |
| واجا شامخ وسلمـى والعصامـي وريع البكـر مـن رمـان فيـه |
| وفيهـا الارخ والمسطـح ولامـه وصبابـه والحقـل والمـارديـه |
| وفتق وجندب ونـوف وهضابـه وصفيـان وسـلال الحامـريـه |
| وجركـوك ومتالـع والرفـاعـي تـمـد انظـارهـا بالمهمهـيـه |
| وعـقـده مـاتـوارا والشغـايـا تباهـا بالرجـال اهـل الحميـه |
| ومن ريـع السلـف ياليـن تيمـا سريـة طيـب تتبعهـا سـريـه |
| ومن طابه على السبعـان تزهـا تقاسـيـم البـقـاع الجرهـديـه |
| ومن رمان وادي العـش يسـري ليـا سلمـى يـقـدّم مزهـريـه |
| يرافـد وادي الـعـدوه بـمـدّه علـى الضلعـان يـدّي للتحيـه |
| ووادي ابالكروش اشمل وشـرّق لياحـد كهفـه منـهـى نحـيـه |
| ووادي الشعبه اللي بـه تعـزوى هل السطـوات وسهـوم المنيـه |
| على وادي الرمه من حضن صادر يمـر ديـار وفـيـاضٍ زهـيـه |
| هواهـا ينعـش القلـب ونسمهـا يـرد الـروح للنفـس الشقـيـه |
| صناديـد العـرب منهـا وفيهـا توالـت مـن عصـور الجاهليـه |
| وذكـره عامـرٍ بيـن القبـايـل لجـام اهـل المفاهيـم الـرديـه |
| وياطب ينتخي في فعـل ضايـف وجانـيـن اتبـسّـم بالثـنـيـه |
| وهدبـا تقصـد وتنشـد لـسـرّا علـى عصفـر تجـر السامريـه |
| وعلوم الحائـط تنومـس سميـرا وجـبّـه والنـفـود المخملـيـه |
| بهـا ينـزف كـرم هـدّاج تيمـا ولا ينضب كرمـه وجـود ميـه |
| وعلى السمرا طغى وجد الاحيمر يناجيـهـا بـشـوق وغايـريـه |
| تـراث ومجـد تاريـخ ومعالـم تبـي تبقـى ودنيـانـا مـديـه |
| تباهي ياعـروس المجـد حايـل تباهـي بالزحـول الصيرمـيـه |
| تباهـي يابعـد حـيـي بشـمـر ثبـات الارض واصـل الجاذبيـه |