نايم ومتهني ولا جاب طـاري

                 وقلبي صواديف المحبه تفـره

الصدر بعده للمكاريـه عـاري

                 همٍ غزى قلبي كفـى الله شـره

تنزف حروفي والقوافي مواري

                  اخر بيوتي والجفى ذوق مـره

ودعتك الله قلتهـا باختيـاري

              من بعد ما ذاق الخفوق المضره

عفت القصيد وجف نبع العباري

               من بعد ما كانت اعيوني اتدره

ضاع الغلا ما بين بايع وشاري

                   وتعبت انا ما بين كـره وفـره

واليوم ابعلن للخلايق قـراري

                 خوف القوافي لا تجيه وتغـره

نهرالغلا بالقلب ما عاد جـاري

               ما باقي الا القاع واطراف جُره

غيرت عنك يا حبيبي مسـاري

              لو كان في قلبي من البعد حره

حبك دفنته والتجافـي مـواري

               وانت تعرف اني فهيمه وحـره

كانك تبي ترجع وتطلب جواري

             انسى خلاص الحظ بالعمر مره

يالله بمان الله مغليـك سـاري

               عاف القصايد وبيح اليوم سره